粤语配不配粤语你不配

有阵时同朋友交流，发现大家好容易喺某个字嘅粤语发音上出现分歧。譬如，表达爱意会讲嘅「我爱你」，究竟系我爱（ngoi3）你，定系我爱（oi3）你呢？呢个问题留到最后先揭晓！
今日同大家讨论下容易有分歧嘅粤语字发音。
（PS：以下读音以《粤语审音配词字库》为准。有其他讲法嘅自己友，欢迎留言讨论！）
当说一件事好流行好红嘅时候，会用到讲风「摩」一时，但正确用词实为「风靡」。风靡有「随风倾倒」嘅意思，意指非常流行。
翻查粤语审音配词字库，「靡」喺配词成风靡时应读成「美（mei5）」。若喺「靡烂」、「靡敝」等有浪费、碎烂嘅意思时，「靡」就应读成「微（mei4）」。
我哋遇上唔识发音嘅字，通常都会「有边读边」，因而将「褪」色误读成「退」。不过字库指出，「褪」嘅读音系「tan3」（「吞」第3声），而常读错嘅发音「退（teoi3）」只属异读字。
平日口语可能会用「开心」，但愉快一词间中都会用到。辞典解释「愉」和「快」都有高兴意思，很多人会将「愉」读成「预（jyu6）」，但字库引用多位音韵名家如黄锡凌、周无忌嘅意见，指出「愉」应读成「如（jyu4）」。
很多人会不自觉将「腊」读成字形相似嘅「猎」，但其实「腊」同「猎」读音意思都唔同。根据字库，「腊」发音系「立（laap6）」，而「猎」则应读成「lip6」。

文章插图
翻查辞典，「腊」可解作一种祭祀嘅名称，而「猎」就有追捕禽兽嘅意思。对希腊呢个充满神话色彩嘅国家而言，当然系「腊」而唔系「猎」。
「渲」有3个读法，但「宣（syun1）」同常读嘅「圈（hyun1）」都系异读字。当「渲」和「染」配词，以表达像国画般用水将色彩晕染开去嘅状况，就应读成「算（syun3）」染。
【粤语配不配粤语你不配】「诅」唔应该读成「咀（zeoi2）」，正确发音系「佐（zo3）」。根据辞典，诅咒可解作用恶毒嘅言语骂人或祈求鬼神降祸他人，而咀咒则系单纯用恶毒言语骂人，点读就视乎点骂法了。

文章插图
「埃」有4个读法之多，但若配词成「埃及」、「尘埃」，就只应读成「哀（oi1）」及。
开头讲到嘅问题，情到浓时向另一半示爱，容易忽略正确发音。唔少人讲「爱」字会发音成「ngoi3」，但呢个读音其实系异读方式。想向爱侣准确表达爱意，都系同佢讲句「我爱（oi3）你」吧。
△大家估下第一个发音啱定第二个发音啱？欢迎自己友留言发表见解！
资料来源：http://topick.hket.com
《粤语审音配词字库》humanum.arts.cuhk.edu.hk
由羊城网编辑整理
热门文章：

粤语配不配 粤语你不配

粤语配不配粤语你不配